2023 жылдың 4-5 мамырында Бас хатшы Мехмет Сүрейя Эр бақылаушы ретінде Анкарадағы Түркияның Ұлы Ұлттық Жиналысы ұйымдастырған Қара теңіз экономикалық ынтымақтастығы Парламенттік Ассамблеясының (ҚТЭЫ ПА) 61-ші пленарлық сессиясына қатысты.
Пленарлық отырысқа ҚТЭЫ ПА мүше елдердің парламенттік делегациялары, сондай-ақ бақылаушылар мен шақырылған қонақтардың делегациялары қатысты.
Ашылу салтанатында ҚТЭЫ ПА Президенті, Түркия Ұлы Ұлттық Жиналысының Спикері Мұстафа Шентоп және ҚТЭЫ ПА Бас хатшысы Асаф Гаджиев сөз сөйледі.
Бас хатшы Мехмет Сүрейя Эр сессия барысында сөз сөйледі.
Күн тәртібіндегі тармақтар ҚТЭЫ ПА комитеттерінің есептері мен ұсынымдарын бекітуді, сондай-ақ ҚТЭЫ, онымен байланысты органдар мен секторлық диалог жөніндегі әріптестердің қызметі туралы ақпаратты ұсынуды қамтыды.
Алпысыншы пленарлық сессияның жұмыс барысы туралы есеп пен хаттаманы, сондай-ақ Әзербайжан, Болгария, Румыния, Түркия және Украинадан келген Ассамблеяның жаңа мүшелерінің өкілеттіктерін Ассамблея бекітті.
Ассамблея Қосылмау Қозғалысының Парламенттік Желісіне ҚТЭЫ ПА-да бақылаушы мәртебесін беру туралы шешім қабылдады.
ҚТЭЫ ПА төрағалығы Украинаның Верховна Радасына берілді.
