2023 жылдың 23 ақпанында Әзербайжан Республикасы Милли Меджлисінің Төрайымы Сагиба Гафарова Бас хатшы Мехмет Сүрейя Эрды қабылдады.

Парламент басшысы ТҮРКПА қызметінің мүше мемлекеттер арасындағы бауырластық қатынастарын одан әрі кеңейтуге ықпал еткенін атап өтті. Милли Меджлистің Ассамблея шеңберіндегі ынтымақтастыққа берген маңыздылығына тоқтала отырып, Гафарова өткен кезеңдегі мүше парламенттер арасындағы ынтымақтастықтың дамуына назар аударды.

Милли Меджлистің Төрайымы Әзербайжан Республикасының Президенті Ильхам Әлиевтің бастамасымен құрылған Қосылмау Қозғалысының Парламенттік Желісінің (ҚҚ ПЖ) қызметі туралы айтып, Парламенттік Желіге деген халықаралық қызығушылықтың артып келе жатқанын атап өтті. Ол ТҮРКПА-ның ҚҚ ПЖ алғашқы отырысына және Баку Конференциясына қатысуын жоғары бағалады.

Бас хатшы Милли Меджлистің ұйымға көңіл бөлгені және қолдағаны үшін алғыс білдіріп, Хатшылықтың қызметі туралы хабардар етті. Ол Ассамблеяның ҚҚ ПЖ-мен ынтымақтастығына үлкен мән беретініне ерекше назар аударды.

Кездесу соңында Милли Меджлистің және ҚҚ ПЖ Төрайымы Сагиба Гафарова мен ТҮРКПА Бас хатшысы Мехмет Сүрейя Эр екі ұйым арасындағы ынтымақтастыққа бағытталған Өзара түсіністік туралы меморандумға қол қойды.