2024 жылғы 26 наурызда ТҮРКПА делегациясы Түрікменстанның Ахал провинциясының Анев қаласында Түркіменстан Мәдениет министрлігі мен ТҮРКСОЙ бірлесіп ұйымдастырған «Анев – 2024 жылы Түркі әлемінің мәдени астанасы» салтанатты ашылу рәсіміне қатысты. Іс-шарада Түркі халықтарының бейнелеу өнері мен қолөнер көрмесінің ашылуы, Түркі киіз үйлері мен павильондарының көрсетілімі, сондай-ақ Түркі әлемі өнерпаздарының қатысуымен бірлескен концерт ұйымдастырылды.
Концерттің ресми бөлігін Түркіменстан Министрлер Кеңесі Төрағасының орынбасары Махриджемал Мамедова ашты. Ол Түркіменстан Президенті Сердар Бердімұхамедовтың қатысушыларға үндеуін оқып берді.
Түркіменстанның Сыртқы істер министрі Рашид Мередов, Түркіменстанның Мәдениет министрі Атагелди Шамурадов, ТҮРКСОЙ Бас хатшысы Сұлтан Раев, Түркі мемлекеттері ұйымының Бас хатшысы Кубанычбек Омуралиев, Түркі академиясының Президенті Шахин Мұстафаев, Түркі мәдениеті мен мұрасы Қорының Президенті Ақтоты Райымқұлова, Қазақстан Республикасы Мәдениет және ақпарат министрінің орынбасары Ербол Әліқұлов, Қырғыз Республикасы Мәдениет, ақпарат, спорт және жастар саясаты министрінің орынбасары Марат Тағаев, Түркия Республикасы Мәдениет және туризм министрінің орынбасары Сердар Чам, Өзбекстан Республикасы Мәдениет министрінің орынбасары Муроджон Маджидов, TİKA Президенті Серкан Каялар, Мажарстан Мемлекеттік Жиналысының депутаты Петер Хоппал, елшілер және басқа да мәртебелі меймандар іс-шараға қатысты.
Ашылу салтанатында ТҮРКСОЙ Бас хатшысы Сұлтан Раев пен Түркі мемлекеттері ұйымының Бас хатшысы Кубанычбек Омуралиев сөз сөйледі. Сөйлеу барысында Анев қаласының түрікмен халқының киелі отаны және ұлы түркімен тарихы мен бірегей мәдени мұрасының орталығы ретіндегі маңызды рөлі атап өтілді.
2024 жылғы 27 наурызда Бас хатшы Мехмет Сүрейя Эр «Аневтің ежелгі мәдениеті» атты халықаралық академиялық конференцияға қатысты.
Түрікменстан Министрлер Кеңесі Төрағасының орынбасары Нұрмұхаммет Аманнепесов, ТҮРКСОЙ Бас хатшысы Сұлтан Раев, ТҮРКПА Бас хатшысы Мехмет Сүрейя Эр, Түркі академиясының Президенті Шахин Мұстафаев, Түркі мәдениеті мен мұрасы қорының Президенті Ақтоты Райымқұлова, аты аңызға айналған американдық зерттеуші Рафаэль Пумпеллинің шөбересі сөз сөйледі.
Конференцияда сөз сөйлеген Бас хатшы Мехмет Сүрейя Эр ортақ Түркі мәдениетін ілгерілетудегі жетекші ұйым ретінде ТҮРКСОЙ жүзеге асырып жатқан шаралар мен жобалардың маңыздылығын атап өтті. Бас хатшы Түркі ынтымақтастығы ұйымдарының жұмысындағы мәдениет факторының маңызды рөліне тоқталды. Түркіменстанмен ынтымақтастықты Ассамблеяның басымдықтарының бірі ретінде дамытуды және осы тұрғыда Түркіменстан Парламентінің соңғы жылдардағы ТҮРКПА қызметіне қатысуын айтып, жақын арада Ассамблеяда Түркіменстан Парламентінің толыққанды мүшелігіне сенім білдірді.
Конференцияның қорытындысы бойынша қатысушылар Ұлы Сапармұрат Түркіменбашы атындағы «Ақ Бұғдай» ұлттық музейінде өткен ТҮРКСОЙ мүше мемлекеттердің Мемлекеттік мұражай директорларының үшінші отырысына қатысты.
Іс-шара түрікмен халқының Ұлттық көшбасшысы және Түркіменстан Халық Кеңесінің (Халық Маслахатының) Төрағасы Гурбангулы Бердімұхамедовтің теолог Сейіт Джемалетдин атындағы жаңа мешіттің Анев қаласында салтанатты түрде ашуымен және қонақтардың құрметіне ифтар кешкі асымен аяқталды.
