2023-жылдын 16-январында “Санариптик финансылык активдер жөнүндө” моделдик мыйзамдын долбоорун иштеп чыгуу боюнча Эксперттик топ үчүнчү онлайн жыйынын өткөрдү. ТҮРКПАнын 2023-2028 стратегиялык жол картасына ылайык, Экономикалык кызматташтык боюнча комиссиянын алкагында “Санариптик финансылык активдер жөнүндө” моделдик мыйзамдын долбоору иштелип чыкты.

Баш катчынын орун басары Талгат Адуов сөз сүйлөдү. Адуов мырза өз сөзүндө Түрк дүйнөсүндөгү интеграциялык процесстерге көмөктөшүү үчүн ТҮРКПА регионунда бирдиктүү укуктук мейкиндикти калыптандыруунун маанилүүлүгүн баса белгиледи.

Мүчө өлкөлөрдүн өкүлдөрүнөн турган Эксперттик топ жана Катчылык моделдик мыйзамдын долбоорун иштеп чыгуу боюнча онлайн форматта үч отурум өткөрдү. Бул жыйындарды Экономикалык кызматташтык боюнча комиссиянын катчысы Бауыржан Даткаев мырза алып барып, эксперттер бул маселе боюнча конструктивдүү сунуштарын айтышты. Үчүнчү отурумда Топ 2023-жылдын 27-январында Астанада өтө турган Экономикалык кызматташтык боюнча комиссиянын кезектеги отурумунда карала турган документтин долбоорун бекитти.