Monday, 17 January 2022, 01:14:41 — Baku (UTC+4)
Түрк Тилдүү Ѳлкѳлѳрдүн Парламенттик Ассамблеясы

ТҮРКПА «Елбасы. Көз карандысыздык. Парламент» эл аралык парламенттик конференцияга катышты

ТҮРКПАнын Башкы катчысы 2021-жылдын 22-ноябрында Нур-Султан шаарында болуп өткөн Казакстан Республикасынын Биринчи Президентинин күнүнө арналган “Елбасы. Көз карандысыздык. Парламент» аттуу эл аралык парламенттик конференцияга катышты.

ТҮРКПАнын Төрагасы, Казакстан Республикасынын Парламентинин Мажилисинин Төрагасы Нурлан Нигматулин мырза жетектеген конференцияда Түрк тилдүү мамлекеттердин парламенттик жетекчиликтери, жогорку даражалуу коноктор, парламентарийлер, ошондой эле эл аралык уюмдардын өкүлдөрү сөз сүйлөштү.

Конференциянын жүрүшүндө Казакстан Республикасынын Биринчи Президенти – Елбасы Нурсултан Назарбаевдин мамлекеттик курулуштагы узак мөөнөттүү көз карашы жана Казакстандын дүйнөлүк коомчулуктун толук укуктуу мүчөсү жана күчтүү экономикага ээ заманбап мамлекет катары өсүп жаткан өлкөнүн ролу, ошондой эле бул процесстерде Казакстан парламентинин маанилүү ишмердүүлүгү баса белгиленди.

ТҮРКПАнын Башкы катчысы Мехмет Сүрейя Эр өз сөзүндө Нурсултан Назарбаевдин казак мамлекеттүүлүгүн түптөөгө жана бекемдөөгө жана Түрк кызматташтыгын өнүктүрүүгө кошкон чечүүчү салымын баса белгиледи. Башкы катчы Елбасынын Түрк институционалдык кызматташтыгын түзүү, ошондой эле Түрк мамлекеттеринин интеграциясын тереңдетүүгө багытталган “Түрк дүйнөсүнүн көз карашы -2040” программасын иштеп чыгуу боюнча демилгелерин баса белгиледи.

Учурдагы ТҮРКПАга Төрагалык
ТҮРКПАнын учурдагы Тѳрагасы
Алдыдагы иш чаралар