Saturday, 24 August 2019, 21:55:29 — Baku (UTC+4)
Түрк Тилдүү Ѳлкѳлѳрдүн Парламенттик Ассамблеясы

ЕККУнун Министрлер кеңешинин 25-жыйыны өттү

2018-жылдын 6-7-декабрь күндөрүндө Миланда ЕККУнун Тышкы иштер министрлер кеңешинин 25-жыйыны болуп өттү. Иш-чара Италиянын Тышкы иштер министри Энцо Моаверо башында турган ЕККУдагы Италиянын төрагалыгы тарабынан уюштурулган.

25-жыйындын ачылышында ЕККУнун Башкы катчысы Томас Гронингер жана ЕККУ Парламенттик Ассамблеясынын төрагасы Георгий Церетелли сөз сүйлөштү.

Иш-чаранын алкагында ТҮРКПА Башкы катчысы Алтынбек Мамаюсупов ЕККУ Парламенттик Ассамблеясынын төрагасы Георгий Церетелли жана ЕККУ ПАнын Башкы катчысы Роберто Монтелла менен жолугушту.

Белгилей кетсек, ТҮРКПА дагы, Түрк Кеңеши дагы негизги түрк кызматташтык институттары катары ЕККУнун Министрлер кеңешинин жыйынына мейман катары ырааттуу чакырылып келет.