Sunday, 19 September 2021, 15:38:26 — Baku (UTC+4)
Türkdilli Ölkәlәrin Parlament Assambleyası

Nurlan Niqmatulin: Ölkәnin uğurlu modernlәşdirilmәsindә әsas amillәr – Vahid ölkә, Vahid millәt vә Vahid Lider

Astana, 27 noyabr, 2017. Qazaxıstan Respublikası Parlamenti Məclisi.

Qazaxıstan Respublikası Parlamenti Məclisinin Sədri Nurlan Niqmatulin Nazarbayev modelini Qazaxıstanın reformasiyasının əsas xüsusiyyətlərindən biri adlandırmışdır. Cənab Niqmatulin bu fikirləri ilə Qazaxıstan Respublikasının Birinci Prezidenti gününə həsr edilmiş “Yeni qlobal reallıqda Qazaxıstanın modernləşdirilməsi modeli” adlı beynəlxalq parlament konfransında bölüşmüşdür.

Xarici qonaqlar qarşısında çıxış edən N. Niqmatulin qeyd etmişdir ki, bir çox pessimist proqnozlara baxmayaraq, Prezident N. Nazarbayevin fikirlərindən ilham alan xalq bütün çətinliklər və sınaqlardan keçərək, bütün dünyanın hörmətlə qarşıladığı güclü, inkişaf edən bir dövlət qurmağa müvəffəq olmuşdur.

Bu, iqtisadiyyatın davamlı inkişafını, ədalətli sosial siyasət və cəmiyyətin sabit demokratikləşdirilməsini təmin edən tam miqyaslı prezident islahatları ilə mümkün olmuşdur.

- Bizim hazırki nailiyyətlərimiz Milli Liderin rəhbərliyi altında bütün qazaxıstanlıların cəsarəti və yorulmaz əməyinin nəticəsidir.

Qazaxıstanın modernləşdirilməsindən danışan Məclis Sədri ölkənin reformasiyasının bütün üç mərhələsinin bir sıra xüsusiyyətlərini qeyd etmişdir.

O, ilk növbədə, bütün Qazaxıstanın reformasiyasının vahid müəllifidir.

- Ölkənin yenilənməsi ideyasının əsas memarı və müəllifi Birinci Prezident Nursultan Nazarbayevdir. Milli Lider doğru olaraq Qazaxıstanda tam miqyaslı islahatların əsas yaradıcısı və ilhamverici qüvvəsi hesab edilir. Qazaxıstanın modernləşdirilməsi modelindən danışarkən onu Nazarbayev Modeli adlandırmaq doğru olardı-deyə Palata Sədri vurğulamışdır.

Özünəməxsus xüsusiyyətlər arasında modernizasiyanın daimi davamlılığı və tam əhatə dairəsi mövcuddur.

Prezidenti özü və xalqı üçün yeni hədəflər təyin edərək onlara çatan siyasətçi adlandıran Məclis Sədri, müstəqil Qazaxıstanın tarixində modernizasiyanın proqressiv xüsusiyyətini xüsusilə vurğulamışdır.

Nurlan Niqmatulin həmçinin Qazaxıstanın inkişaf modelinin üç istiqaməti barədə də danışmışdır. Bu texnoloji və infrastruktur modernizasiyasının yeni səviyyəsi, yeni konstitusiya islahatları və gələcək siyasi modernizasiya, eləcə də mənəvi modernləşmə və milli şüurun yenilənməsidir.

-Ölkənin modernizasiyasının hərtərəfli xarakteri bu vacib işdə ölkənin bütün vətəndaşlarının fəal iştirakını tələb edir. Şübhəsiz, ilk növbədə bu tələb dövlət qulluqçuları və eləcə də bizə aiddir-deyə Məclis sədri qeyd etmişdir.

N. Niqmatulin həmçinin Qazaxıstanın modernizasiya prosesi ilə qlobal trendlər arasında yaxın əlaqələrə diqqət çəkmişdir.

-Söhbət yalnız müasir problemlərin Qazaxıstandakı islahatlara təsirindən getmir. Burada qlobal gündəmin formalaşmasında Qazaxıstanın aktiv rolunda nümayiş etdirilən müəyyən bir əlaqə diqqətəlayiqdir", - deyə Məclisin spikeri qeyd etmişdir.

İlk növbədə bu qlobal nüvə tərksilahı, ekstremizm və terrorizmlə mübarizə, Mərkəzi Asiyada regional təhlükəsizlik zonasının formalaşdırılması, Suriyada müharibə edən tərəflər arasında silahlı mübarizəni dayandırmaq üçün Qazaxıstanın sülhməramlı səylərinin həyata keçirilməsində Qazaxıstan Prezidentinin təşəbbüsləridir.

- Buna görə də Qazaxıstanın Mərkəzi Asiya regionunda BMT-nin Təhlükəsizlik Şurasının ilk qeyri-daimi üzvü seçilməsi tamamilə məntiqlidir.

N. Niqmatulin Qazaxıstanın üçüncü modernizasiya proqramının müvəffəqiyyətlə həyata keçirilməsində tərəddüdsüz əminliyini ifadə etmişdir.

Qazaxıstanlıların xarakterik xüsusiyyətlərindən biri öz iradələrinə, müstəqillik dəyərlərimizin möhkəmliyinə, Milli Liderin ideyaları ətrafında olan birliyimizə inamıdır.

Bu üç amil – Vahid ölkə, Vahid millət, Vahid Lider ölkənin müvəffəqiyyətlə modernləşdirilməsində əsas amil olacaqdır.

Konfransda Azərbaycan, Macarıstan, Bolqarıstan, Rusiya, Türkiyə parlamentlərinin yüksək vəzifəli şəxsləri, eləcə də Hindistan, İspaniya, İtaliya, Çin, Tacikistan və Birləşmiş Ərəb Əmirliklərinin parlamentlərindən olan nümayəndə heyətləri iştirak etmişdir.

Mənbə: www.parlam.kz