2024 жылғы 4 наурызда Бакуда «ТҮРКПА-ға мүше мемлекеттердегі ғылыми-техникалық дамудағы парламенттердің рөлі және заңнамалық қамтамасыз ету» тақырыбымен ТҮРКПА-ның Құқықтық мәселелер және халықаралық қатынастар жөніндегі комиссиясының он бірінші отырысы өтті. Әзербайжан Республикасының Милли Меджлисі ұйымдастырған отырысқа Комиссия мүшелері, парламенттік сарапшылар және ТҮРКПА Хатшылығының өкілдері қатысты. Отырысқа Комиссия төрағасы, Түркия Ұлы Ұлттық Жиналысының мүшесі Осман Местен төрағалық етті. Әзербайжан Республикасы Милли Меджлисінің Денсаулық сақтау комитетінің төрағасы, ТҮРКПА-ның Қоршаған орта, табиғи ресурстар және денсаулық сақтау жөніндегі комиссиясының төрағасы Ахлиман Амирасланов қабылдаушы парламенттің атынан сәлемдеме сөзін сөйледі. Комиссия төрағасы Осман Местен және Комиссияның басқа мүшелері - Әзербайжан Республикасы Милли Меджлисінің депутаттары Джаваншир Фейзиев пен Малахат Ибрагимгызы, Комиссия төрағасының орынбасары, Қазақстан Республикасы Парламенті Мәжілісінің депутаты Абзал Құспан, Қазақстан Республикасы Парламенті Сенатының депутаты Бибігүл Жексенбай (екеуі де онлайн форматта), Қырғыз Республикасы Жогорку Кенешінің депутаты Нуржигит Кадырбеков, Түркия Ұлы Ұлттық Жиналысының депутаты Филиз Кылыч және Бас хатшы Мехмет Сүрейя Эр кездесуде сөз сөйледі.
Комиссия төрағасы өз сөзінде 32 жыл бұрын болған Қожалыдағы геноцид бойынша азап жадымызда әлі де жаңа екенін атап өтті. Ол кінәлілерді жауапқа тарту мақсатында басталған «Қожалы үшін әділеттілік» науқанының маңыздылығын білдірді. Сондай-ақ Әзербайжан делегациясының тиісті себептерге байланысты Еуропа Кеңесінің Парламенттік Ассамблеясына қатысуын тоқтату туралы шешімін еске алып, осы тұрғыда олардың бауырлас Әзербайжанды қолдайтындықтарын білдірді.
Комиссия мүшелері күн тәртібіндегі мәселелерді талқылап, Комиссияның есебі мен ұсынымдарын, сондай-ақ Ассамблеяның 13-ші пленарлық отырысына ұсыну үшін «Дербес деректерді қорғау туралы» модельдік заңды бекітті. Комиссия келесі отырысының тақырыбын анықтап, келесі отырысын 2025 жылы Қазақстанда өткізу туралы шешім қабылдады.
