Түркі мемлекеттері Парламенттік Ассамблеясының (ТҮРКПА) Парламентші әйелдер тобы 2019 жылғы 18 желтоқсанда Бакуде өткен ТҮРКПА-ның тоғызыншы пленарлық отырысы барысында 2030 жылға дейінгі Тұрақты Даму Күн тәртібіндегі басты басымдықтардың бірі ретінде әйелдер мен ерлер үшін тең мүмкіндіктерге байланысты мәселелер бойынша мүше парламенттер арасындағы ынтымақтастыққа жәрдемдесу мақсатында құрылды.

Топтың күн тәртібі әйелдердің саяси, экономикалық, әлеуметтік және қоғамдық өмірге белсенді қатысуын қамтамасыз ету, сондай-ақ ТҮРКПА-ға мүше мемлекеттерде шешім қабылдаудың барлық деңгейлерінде әйелдердің құқықтары мен мүмкіндіктерін кеңейту жөніндегі түрлі бастамаларды іске асыру мәселелерін қамтиды. Топ әйел парламентшілердің Ассамблея жұмысына, сондай-ақ әйелдердің берік желісін құру мақсатында халықаралық ұйымдардың жұмысына қатысуын ынталандыруға тырысады.

Топ ТҮРКПА-ның Іс басындағы Төрағасы өз төрағалығы кезеңінде тағайындайтын Топ жетекшісінен және Тараптар әрбір кездесу үшін арнайы негізде тағайындайтын мүшелерден тұрады.

Топ қабылдаушы елдерде ТҮРКПА пленарлық отырыстары шеңберінде өткізілетін кезекті отырыстарда өздерінің тиісті құжаттарын бекітеді.