2023 жылғы 18-19 мамырда Бас хатшы Мехмет Сүрейя Эр Санкт–Петербургтің 320 жылдығына арналған «Санкт-Петербург – Достастықтың парламенттік астанасы» тақырыбындағы халықаралық форумға қатысты. Іс-шараны ТМД-ға қатысушы мемлекеттердің Парламентаралық Ассамблеясы (ТМД ПАА), Санкт-Петербург Үкіметі және Санкт-Петербург Заң шығарушы жиналысы бірлесіп ұйымдастырды.

Форум бағдарламасына «Жастар парламентаризмі – жастардың құқықтық және саяси мәдениетін қалыптастыру мектебі», «ТМД кеңістігіндегі ынтымақтастықты дамыту: Санкт-Петербург тәжірибесінің ерекшеліктері», «Санкт-Петербургтің Заң шығарушы жиналысы: Халықаралық парламенттік ынтымақтастық тәжірибесі» және «Жаһандық трансформациялар контекстіндегі парламентаризм» тақырыптарында дөңгелек үстелдер, сондай-ақ пленарлық отырыс кірді.

Форум аясында Бас хатшы Мехмет Сүрейя Эр ТМД ПАА Бас хатшысы Дмитрий Кобицкиймен, ТҮРКПА мүше мемлекеттердің парламентшілерімен және іс-шараға қатысқан басқа да қатысушылармен кездесті.

Форумға мүше мемлекеттердің парламентшілері, халықаралық ұйымдардың, академиялық қауымдастықтардың, жастар ұйымдарының өкілдері және сарапшылар қатысты.

Іс-шара парламенттік дипломатия мен диалогты дамытуға жәрдемдесуге, сондай-ақ парламентаралық ынтымақтастық тәжірибесін зерделеуге бағытталған. Форумдағы пікірталастар жастар парламентаризмін дамыту, өңірдің заң шығарушы органдары арасындағы өзара іс-қимыл және жаңа сын-қатерлер аясында парламенттік ынтымақтастық сияқты мәселелерге назар аударды.