Thursday, 17 January 2019, 07:02:31 — Baku (UTC+4)
Түркітілдес Елдердің Парламенттік Ассамблеясы

Бинали Йылдырым - ТҮРКПАның іс басындағы төрағасы, Түркия Ұлы Ұлттық Мәжілісінің Төрағасы

Бинали Йылдырым 1955 жылғы 20 желтоқсанда, Рефахие, Эрзинджан провинциясында туды. Кейінгіде магистр дәрежесін алған Стамбул техникалық университетінде кеме сәулеті мен кемелік машина жасау факультетінде білім алды. Стамбул техникалық университетінде кеме сәулеті мен кемелік машина жасау факультетінде ассистент пен ғылыми қызметкер болып жұмыс атқарды.

1978-1993 жылдары Түркия Кеме жасау бас басқармасы мен Джамиатлы верфінде бірнеше басқарушы лауазымдарда жұмыс істеді.

1990-1991 жылдары Швециядағы Халықаралық теңіз ұйымының Дүниежүзілік теңіз университетінде теңіздегі қауіпсіздік пен қоршаған ортаны қорғау мәселелері бойынша мамандырылған дайындықтан өтті.

1994 жылдан 2000 жылға дейін Стамбулдың астаналық муниципалитетінде İstanbul Fast Ferries (İDO - İstanbul Deniz Otobüsleri) компаниясының бас директоры лауазымында қызмет атқарды.

1999 жылы Skal International Group-тан теңіз тасымалдаулар мен туризмге қосқан үлесі үшін марапат алды.

Бинали Йылдырым 2002 жылғы 3 қарашада өткен парламенттік сайлау кезінде Стамбул атынан (Әділет және даму партиясы) парламент мүшесі болып сайланды және Әділет және даму партиясының 58-ші мен 59-шы үкіметі жанында көлік министрі қызметін атқарды.

2007 жылғы 22 шілдеде өткен парламенттік сайлау кезінде Эрзинджан атынан (Әділет және даму партиясы) парламент мүшесі болып сайланды және осы лауазымда Әділет және даму партиясының 60-шы үкіметі жанында қызмет атқарды.

2011 жылғы 12 маусымда өткен парламенттік сайлау кезінде Измир атынан (Әділет және даму партиясы) парламент мүшесі болып сайланды және осы лауазымда Әділет және даму партиясының 61-ші үкіметі жанында қызмет атқарды.

2015 жылғы 1 қарашада өткен парламенттік сайлау кезінде Измир атынан (Әділет және даму партиясы) парламент мүшесі болып сайланды, 64-ші үкімет жанында көлік, теңіз көлігі және коммуникациялар министрі болып тағайындалды. 2016 жылғы 22 мамырда мерзімінен бұрын өткен съезде Әділет және даму партиясының төрағасы болып сайланды. Президент Реджеп Тайип Эрдоганнан 65 үкіметті қалыптастыру тапсырмасын алды, премьер-министр болып тағайындалды.

2018 жылғы 24 маусымда өткен парламенттік сайлау кезінде Измир атынан парламент мүшесі болып сайланды. Басқарудың президенттік жүйесіне көшкеннен кейін премьер-министр лауазымы жойылғанға орай Бинали Йылдырым Түрік Республикасының соңғы премьер-министрі болып қалды.

2018 жылғы 12 шілдеде Түркия Ұлы ұлттық мәжілісімен спикер ретінде сайланған Бинали Йылдырым басқарудың президенттік жүйесіне көшкеннен кейін парламенттің бірінші спикері лауазымында қызмет атқарады.

2018 жылғы 13 шілдеде Президент Реджеп Тайип Эрдоган Бинали Йылдырымды мемлекетті, елдің және ұлттың бүтіндігін, бейбітшілік пен қоғамның бірлігін сақтау ісінде жеткен аса көрнекті жетістіктері үшін Мемлекеттік Құрмет медалімен марапаттады.

Бинали Йылдырым мырза үйленген, 3 баланың әкесі. Ағылшын және француз тілдерін меңгерген.

www.tbmm.gov.tr