Башкы катчы Мехмет Сүрейя Эр 2022-жылдын 28-октябрында Өзбекстандын Самарканд шаарында болуп өткөн Көз карандысыз Мамлекеттер Шериктештигине мүчө мамлекеттердин Парламенттер аралык Ассамблеясынын (КМШ ПАА) 54-пленардык отурумуна катышты.

Пленардык отурумга КМШ ПААга мүчө мамлекеттердин парламенттик делегациялары, ошондой эле ар кандай эл аралык уюмдардын өкүлдөрү катышты.

Пленардык отурумдун негизги темасы “КМШ мамлекеттериндеги шайлоо процесстерин мыйзамдык жактан камсыздоо” болуп, күн тартибинде КМШ ПААнын туруктуу комиссиялары тарабынан даярдалган 40 моделдик мыйзамды кабыл алуу кирген.

КМШ ПААнын Башкы катчысы Дмитрий Кобицкий 2023-2025-жылдарга Шериктештиктин моделдик мыйзамдар боюнча пландары жөнүндө маалымат берди.

Катышуучулар ар кандай шайлоо темалары боюнча бир катар моделдик документтерди карап чыгышты. Мындан тышкары парламентарийлер коопсуздук, экономикалык өнүгүү, мамлекеттик курулуш, билим берүү, маданият, маалымат жана башка маанилүү тармактар боюнча тиешелүү документтерди карап чыгышты.

54-пленардык отурум сыйлыктарды тапшыруу менен аяктап, андан соң КМШ ПАА Кеңешинин мүчөлөрүнүн пресс-конференциясы өткөрүлдү.

Отурумдун алкагында Башкы катчы түрк мамлекеттердин парламенттик делегацияларынын башчылары, ошондой эле башка жогорку даражалуу коноктор менен жолугушту.