Башкы катчы Мехмет Сүрейя Эр 2022-жылдын 8-ноябрында Эл аралык Түрк маданияты жана мурасы фонду (ЭТММФ) жана Эл аралык Борбордук Азия изилдөөлөр институту (ЭБАИИ) тарабынан Өзбекстандын Самарканд шаарында уюштурулган Эл аралык симпозиумга катышты.

Эл аралык симпозиум “Борбордук Азия, Азербайжан жана Түркия өлкөлөрүнүн ортосундагы кызматташтыктын горизонтторун кеңейтүү: Жибек жолу – Түрк мамлекеттер уюмунун саммитинин алкагында ЮНЕСКОнун сериялык трансулуттук номинациялары” деген темада уюштурулду.

Симпозиумга Жибек жолунун сериялык трансулуттук номинацияларына катышкан улуттук координаторлор жана эл аралык эксперттер, ошондой эле ЮНЕСКОнун өкүлдөрү катышты. Жибек жолу боюнча Сериялык трансулуттук номинацияларды даярдоо жана илгерилетүү процессинде Борбордук Азия мамлекеттеринин кызматташуусун арттыруу маселелери каралды.

Ачылыш сөзүндө Баш катчы Жибек жолунун ТҮРКПАга мүчө мамлекеттердин тарыхында маанилүү орду бар экенин жана бул багытта эбегейсиз долбоорлор ишке ашырылганын белгилеп кетти. Ал белгилегендей, мүчө мамлекеттер тарабынан аймакта ири долбоорлордун жана башка транспорттук өнүгүүлөрдүн ишке ашырылышы ушул мамлекеттердин Жибек жолунун алкагында өздөрүнүн транспорттук жана транзиттик потенциалын толугу менен пайдаланууга канчалык даяр экенин көрсөтүп турат.

Симпозиумдун жүрүшүндө Эл аралык түрк маданияты жана мурасы фондунун “Жибек жолундагы түрк дүйнөсүнүн өлкөлөрү” долбоорунун алкагында жарык көргөн “Азербайжан Жибек жолунда” китебинин бет ачары болуп өттү.