2023-жылы 28-февралда ТҮРКПА Катчылыгынын кызматкерлери жаш парламентарийлердин потенциалын жогорулатуу боюнча Парламенттер аралык Биримдиктин иш-чараларынын алкагында онлайн форматта уюштурулган мажбурлап иштетүү жана адам сатуу боюнча 5-брифингине катышты.

Брифингге жаш парламентарийлер, парламенттердин кызматкерлери, эл аралык уюмдардын, бейөкмөт уюмдардын, жеке сектор жана академиялык чөйрөлөрдүн өкүлдөрү катышты.

5-брифингдин максаты - адам сатуу жөнүндө глобалдык маалымдуулукту жогорулатуу, анткени жаштар көбүнчө бул көйгөйдүн курмандыгы болуп калышат. Брифинг учурунда эксперттер адам сатуунун мүнөзү, анын категориялары жана реалдуу окуялар жөнүндө өз отчетторун жана презентацияларын жасашты. Презентациялардын артынан иш-чара жаш парламентарийлердин мажбурлап иштетүү жана адам сатууну жоюу боюнча улуттук тажрыйбаларды бөлүшүшкөн талкуулары менен уланды.

2019-жылы ТҮРКПА жаштардын маселелери боюнча улуттук саясатка салым кошуу үчүн Жаш парламентарийлердин тобун түзгөн. Топ аткарып жаткан иштери менен жаштардын парламенттердин жана Ассамблеянын ишмердүүлүгүндөгү катышуусуна көмөк көрсөтүүгө жана ТҮРКПАнын жалпы максаттарына жетүү үчүн салым кошууга умтулат.