2018-жылдын 27-28-сентябрында Анкара шаарында Түркия Улуу Улуттук Жыйыны тарабынан өткөрүлгөн ТҮРКПАнын Экономикалык кызматташтык Комиссиясынын алтынчы жыйынына Азербайжан, Казакстан жана Түркиядан келген депутаттар катышты. Жыйындын күн тартибиндеги негизги маселе “ТҮРКПАга мүчө өлкөлөрдө инновациялык ишкердиктин перспективалары” болду.

Жыйынды Комиссиянын төрагасы жана Казакстан Республикасынын Парламенттик Ассамблеясынын мүчөсү Берик Оспанов мырза жетектеди. Өз сөзүндө, Оспанов мырза, кичи жана орто ишканаларда инновацияны өнүктүрүүнүн артыкчылыктуу багыттарын аныктоо жана ТҮРКПАнын алкагында тиешелүү сунуштарды иштеп чыгуу аркылуу мүчө мамлекеттердин экономика, салык, илим жана билим берүү жаатындагы улуттук ченемдик укуктук базага жакындашуусу зарылдыгын белгиледи. Мындан тышкары, парламентарийлер мүчө өлкөлөрдүн инновациялык ишкердик жаатында мүчө мамлекеттердин ортосундагы кызматташуунун перспективаларын талкуулашты.

Комиссия отчетун жана маселе боюнча чечимди 2018-жылдын ноябрь айында Түркияда өтө турган ТҮРКПАнын сегизинчи пленардык жыйынына сунуштоого макулдук берди.

Комиссиянын отурумуна чейин, өз ишинде инновациялык саясатты ишке ашырып жаткан Түркиянын ишкердик чөйрөсүнүн адистеринин катышуусунда семинар уюштурулган.