Saturday, 19 January 2019, 04:32:37 — Baku (UTC+4)
Түрк Тилдүү Ѳлкѳлѳрдүн Парламенттик Ассамблеясы

Бинали Йылдырым - ТҮРКПАнын мѳѳнѳттѳгү тѳрагасы, Түркия Республикасынын Улуу Улуттук Ассамблеясынын тѳрагасы

1955-жылы 20-декабрда Түркиянын Эрзинжан аймагында туулган.

Стамбул Техникалык университетинин Аскер-деңиз архитектурасы жана деңиз инженериясы факультетин бүтүрүп, анын магистратурасын ошол эле бөлүмдө аяктаган. Стамбул Техникалык университетинин кеме куруу жана деңиз илимдери факультетинде ассистент жана илимий кызматкер болуп иштеген.

1978-1993-жылдар мезгилинде Түркиянын Кеме куруу өнөр жайы Башкы дирекциясында түрдүү кызматтарды аркалаган.

1990-1991-жылдары БУУнун Швециядагы Эл аралык деңиз уюмунун алдындагы Бүткүл дүйнөлүк деңиз университетинде «Деңизде жүрүүнүн коопсуздугу жана айлана-чөйрөнү коргоо» адистиги боюнча кесиптик квалификацияга ээ болгон.

1994-2000-жылдары Стамбул Паромдору башкы башкармалыгын жетектеген.

1999-жылы деңиз менен ташуучулукка жана туризм тармагына кошкон салымы үчүн эл аралык «Скал клубунун» сыйлыгына татыктуу болгон.

2002-жылы 3-октябрдагы шайлоодо «АК-партия» партиясынан Стамбул аймагынан 58-59-чакырылыштагы парламентке депутат болуп келип, «АК-партия» партиясынын өкмөтүндө Транспорт министри болуп иштеген.

2007-жылдын 22-июлундагы шайлоодо «АК-партия» партиясынан Эрзинжан аймагынан 60-чакырылыштагы парламентке депутат болуп шайланган. «Ак-партия» партиясынын өкмөтүндө Транспорт министри кызматын уланткан.

2001-жылдын 12-июнундагы шайлоодо «АК-партия» партиясынан Измир аймагынан 61-чакырылыштагы парламентке депутат болуп шайланган. «АК-партия» партиясынын өкмөтүндө Транспорт, деңизчилик жана маалымат министри болуп иштеген.

2015-жылдын 1-ноябрындагы шайлоодо кайрадан «АК-партия» партиясынан Измир аймагынан 64-чакырылыштагы парламентке депутат болуп шайланган. Өкмөттө кайрадан Транспорт, деңизчилик жана маалымат министри болуп дайындалган.

2016-жылы 22-майда болгон конгрессте АК-партиянын Башкы төрагасы болуп тандалган. өлкө башчысы Режеп Тайип Эрдоган тарабынан 65-өкмөттү түзүү милдети берилип, Премьер-министр кызматын аркалаган.

2018-жылдын 24-июнундагы шайлоодо «АК-партия» партиясынан Измир аймагынан парламентке депутат болуп шайланган. Шайлоонун жыйынтыгы менен ишке кирген Президенттик өкмөт системасынын негизинде аракеттеги премьер-минисрликтин жоюлушу менен Биналы Йылдырым Түркия Республикасынын акыркы Премьер-министри катары тарыхта калды.

2018-жылдын 12-июллунда 28-чакырылыштагы Түркия Улуу Улуттук Жыйынынын Төрагасы болуп шайланган Биналы Йылдырым Президенттик өкмөт системасында алгачкы Межлис Төрагасы катары милдетин аткарып жатат.

Мамлекеттин кызыкчылыгына, өлкөнүн жана улуттун ажырагыс биримдигине, өлкөнүн тынчтыгына, биримдик жана ынтымакты сактоого кошкон салымы үчүн 2018-жылдын 13-июнунда мамлекет башчысы Режеп Тайип Эрдоган тарабынан Мамлекеттик Ардак медаль менен сыйланган.

Англис жана француз тилдерин билет.

Үй-бүлөлүү, 3 баланын атасы.

www.tbmm.gov.tr