Төрайым
Сахиба ГАФАРОВА
ТҮРКПАнын мѳѳнѳттѳгү төрайымы, Азербайжан Республикасынын Милли Межилисинин төрайымы
2020-жылдын 10-мартынан баштап Азербайжан Республикасынын Милли Межлисинин төрайымы.
Жаңы Азербайжан партиясынын мүчөсү.
1955-жылдын 19-мартында Азербайжан Республикасынын Шамкир шаарында туулган.
Азербайжан Педагогикалык Орус тили жана адабияты институтунун орус тили жана адабияты факультетин жана Азербайжан Тилдер Университетинин англис филологиясы факультетин артыкчылык диплому менен аяктаган.
1978-1981-жылдары Шамкир шаарындагы орто мектептерде мугалим болуп иштеген.
1981-2020-жылдары Азербайжан Педагогикалык Орус тили жана адабияты институтунда лаборант, мугалим, улук окутуучу, доцент, профессор, филология илимдеринин доктору, Батыш университетинин Батыш тилдери факультетинин деканы, Баку Славян университетинин Европа тилдери кафедрасынын башчысы болуп иштеген.
2004-2020-жылдары Баку Славян университетинин эл аралык байланыштар боюнча проректору кызматында (2010-2020-жылдары коомдук негиздерде) иштеген.
2006-2007-жылдары АКШнын Мамлекеттик департаментинин “Fulbright scholarship” программасынын алкагында Мичиган университетинин Аялдар жана гендердик изилдөөлөр институтунда иштеген.
2010-2020-жылдары төртүнчү жана бешинчи чакырылыштагы Азербайжан Республикасынын Милли Межлисинин депутаты болгон.
2013-2015-жылдары Европа Кеңешинин Парламенттик Ассамблеясынын Гендердик теңчилик жана расизм жана ксенофобияга каршы кичи комитеттерин жетектеген.
2015-2020-жылдары Азербайжан Республикасынын Милли Межлисинин Үй-бүлө, аялдар жана балдар боюнча комитетинин төрагасынын орун басары болуп иштеген.
2015-2017-жылдары Европа Кеңешинин Парламенттик Ассамблеясынын “Зомбулуктан эркин аялдар” парламенттик тармагынын саясий координатору, Аялдарга карата зомбулукка каршы күрөшүү боюнча баяндамачы, Европа Кеңешинин Парламенттик Ассамблеясынын Миграция, качкындар жана айласыз көчкүндөр боюнча комитетинин төрайымы кызматтарында иштеген, бюронун мүчөсү болгон.
2018-2020-жылдары Азербайжандын Евронест Парламенттик Ассамблеясындагы Азербайжан делегациясынын башчысы болгон.
Учурда КМШ Парламенттер аралык Ассамблеясындагы жана Түрк тилдүү өлкөлөрдүн Парламенттик Ассамблеясындагы Азербайжан делегациясынын башчысы.
2016-жылы Азербайжан Республикасынын Президентинин буйругу менен ага билим берүү тармагындагы кызматы үчүн "Эмгек сиңирген мугалим" ардактуу наамы ыйгарылган.
Бир катар окуу куралдарынын жана монографиялардын, ошондой эле 80ден ашык илимий макалалардын автору.
Англис жана орус тилдеринде сүйлөйт.
Үй-бүлөлүү, 2 баланын энеси.
