Türk Dövlətləri Parlament Assambleyasının (TÜRKPA) Gənc Parlamentarilər Qrupu TÜRKPA-nın 18 dekabr 2019-cu il tarixində Bakı şəhərində keçirilmiş 9-cu plenar iclasında üzv parlamentlər arasında 2030-cu il Dayanıqlı İnkişaf Gündəliyinin əsas prioritetlərindən biri olan gənclərin inkişafı və onların imkanlarının artırılması məsələlərinə dair əməkdaşlığın təşviq edilməsi məqsədilə yaradılmışdır.

Qrupun gündəliyinə TÜRKPA üzv dövlətlərində gənclərin cəmiyyətdə rolunun gücləndirilməsi, onların sosial, iqtisadi və siyasi həyatda və qərar qəbuletmə prosesində iştirakı ilə bağlı müvafiq təşəbbüslərin həyata keçirilməsi ilə bağlı məsələlər daxildir. Qrup gənc parlamentarilərin Assambleyanın işində, eləcə də gənclərin dayanıqlı şəbəkəsinin yaradılması məqsədilə beynəlxalq təşkilatların işində iştirakının təşviq edilməsi məqsədini daşıyır.

Qrup TÜRKPA-nın fəaliyyətdə olan sədri tərəfindən öz sədrliyi müddətinə təyin etdiyi rəhbər və tərəflərin hər iclas üçün xüsusi əsaslarla təyin etdiyi üzvlərdən ibarətdir.

Qrup müvafiq sənədlərini TÜRKPA-nın plenar iclasları çərçivəsində ev sahibi ölkələrdə keçirilən müntəzəm iclaslarda qəbul edir.