Monday, 14 October 2019, 19:19:55 — Baku (UTC+4)
Türkdilli Ölkәlәrin Parlament Assambleyası

"XXI Əsrdə qadınların rolu: qadın siyasətçilərin məsuliyyəti" adlı beynəlxalq konfrans

Azərbaycan, Qazaxıstan, Qırğızıstan, Özbəkistan və Türkmənistanın Dövlət Müstəqilliyinin 20-ci ildönümü münasibəti ilə Türkdilli Ölkələrin Parlament Assambleyası(TÜRKPA) tərəfindən Azərbaycan Respublikasının Milli Məclisinin ev sahibliyində "XXI ƏSRDƏ QADINLARIN ROLU: QADIN SİYASƏTÇİLƏRİN MƏSULİYYƏTİ" adlı Beynəlxalq Konfransın keçirilmişdir.

Konfrans "Lider Qadınlar" İctimai Birliyi, Türkiyə Respublikası Nazirlər Kabineti yanında Türkiyə Əməkdaşlıq və İnkişaf Agentliyi(TİKA) və "Dialoq Avrasiya" Beynəlxalq təşkilatının Azərbaycan Nümayəndəliyinin əməkdaşlığı ilə həyata keçirilmişdir.

Konfrans bu gün cəmiyyətin bütün sferalarında qadınların artan rolu, onların sülh və sabitlik, idarəetmə, qərar qəbulu səviyyəsində artan iştirakı fonunda xüsusən türkdilli ölkələrin qadınları arasında əlaqələrin daha da yaxşılaşmasına, təcrübə mübadiləsinə xidmət etmək məqsədi ilə keçirilib. Konfransda əsas müzakirələrdə dünyanın qlobal problemlərinin həllində qadın siyasətçilərin məsuliyyəti də gündəmə gəlmişdir.