Ətraf Mühit, təbii ehtiyatlar və sağlamlığın qorunması komissiyası
 

Ətraf mühit, təbii ehtiyatlar və sağlamlığın qorunması komissiyası Türk Dövlətləri Parlament Assambleyasının (TÜRKPA) dörd daimi komissiyasından biridir. Komissiyanın gündəliyi üzv dövlətlər arasında ətraf mühitin qorunması, təbii ehtiyatlardan istifadə və sağlamlığın qorunması sahəsində əməkdaşlıq məsələlərinə yönəlib.

2014-cü ildən TÜRKPA çərçivəsində ətraf mühit üzrə əməkdaşlığa başlayandan etibarən bu sahədə praktiki nəticələrin əldə edilməsi məqsədilə komissiyanın gündəliyindəki məsələlər ardıcıl xarakter daşımışdır. Sağlamlığın qorunması 2021-ci ildə TÜRKPA-nın Türküstanda keçirilən 10-cu plenar iclası çərçivəsində Assambleya Şurasının iclasında qəbul edilmiş qərarla komissiyanın səlahiyyət çərçivəsinə daxil edilən ən son sahə olub.

TÜRKPA-nın daimi komissiyalarının hər biri hər üzv dövlətdən iki parlament üzvü olmaqla səkkiz üzvdən ibarətdir. Daimi komissiyaların sədrləri və sədr müavinləri TÜRKPA-nın plenar iclaslarında üç il müddətinə seçilir.

Daimi komissiyalar öz əməkdaşlıq sahələri çərçivəsinə daxil olan məsələləri nəzərdən keçirir və plenar iclaslara təqdim olunan sənədləri hesabat məruzələri və tövsiyə qərarları şəklində hazırlayır. Eyni zamanda, komissiyalar üzv dövlətlərin milli qanunvericiliyinin uyğunlaşdırılması və yaxınlaşdırılması prosesini asanlaşdırmaq məqsədilə qarşılıqlı maraq doğuran məsələlər üzrə model qanun layihələrinin hazırlanması üzərində iş aparırlar.

Üzvlər
Sədr
(Azərbaycan)
Sədr müavini
(Türkiyə)
Üzv
(Azərbaycan)
Üzv
(Qazaxıstan)
Üzv
(Qazaxıstan)
Üzv
(Qırğızıstan)
Üzv
(Qırğızıstan)
Üzv
(Türkiyə)
Katiblik
Komissiya katibi
(Azərbaycan)